The Blog

The Blog

Casglu Cynnwys Safle Gyrfaoedd Economeg grwp

Mae gwaith y grŵp Economeg a Dadansoddeg yn hanfodol i wneud yn siŵr bod penderfyniadau Ofcom yn seiliedig ar waith ymchwil a dadansoddi cadarn. Mae economegwyr a dadansoddwyr Ofcom yn defnyddio syniadau cysyniadol arloesol ac ystod eang o ddulliau meintiol i lywio’r broses o lunio polisïau ac arwain syniadau. 

Y grŵp Economeg a Dadansoddeg yw un o’r timau economeg a chyllid mwyaf ym maes cystadleuaeth a rheoleiddio yn y DU. Gyda dros 80 o gydweithwyr, rydym yn darparu’r gwaith dadansoddi sy’n sail i bopeth y mae Ofcom yn ei wneud. Rydyn ni’n gweithio mewn sectorau diddorol a phwysig gan gynnwys teledu, radio, telegyfathrebiadau, gwasanaethau post a sbectrwm. Ac rydyn ni’n helpu fwyfwy i yrru’r agenda mewn meysydd cyfrifoldeb newydd, gan gynnwys diogelwch ar-lein a marchnadoedd digidol. Er enghraifft, rydyn ni’n chwarae rhan allweddol mewn prosiectau diweddar, gan gynnwys astudiaeth Ofcom i’r farchnad gwasanaethau cwmwl, lluosogrwydd yn y cyfryngau a newyddion ar-lein, a pharatoi ar gyfer rheoleiddio diogelwch ar-lein. Rydyn ni hefyd yn cyhoeddi papurau trafod yn rheolaidd i gyfrannu at y drafodaeth am economeg yn y sectorau cyfathrebu. 

Fel rhan o’r grŵp Economeg a Dadansoddeg, byddwch chi’n cael cyfleoedd i ddefnyddio eich sgiliau dadansoddi o’r dechrau un. Byddwch chi’n gweithio yn ein timau amlddisgyblaethol, gan helpu i lunio opsiynau polisi a gwneud gwahaniaeth cadarnhaol i gymdeithas. Mae’r ystod o waith rydyn ni’n ei wneud yn wirioneddol amrywiol. Er enghraifft, efallai y byddwch chi’n gweithio ar brosiectau sy’n: 

  • defnyddio economeg ymddygiadol i ddeall sut i’w gwneud yn haws i bobl newid darparwr telegyfathrebiadau; 
  • defnyddio dulliau cysyniadol a meintiol arloesol i ddeall y niwed y gallai cael gafael ar newyddion ar-lein ei achosi i gymdeithas; 
  • asesu effeithiau gwasanaethau’r BBC fel sianeli teledu ac apiau newydd ar y sector cyfryngau; 
  • dadansoddi cystadleuaeth mewn marchnadoedd digidol newydd fel gwasanaethau cwmwl a dyfeisiau sydd wedi eu cysylltu yn y cartref gan ddefnyddio theori sefydliad diwydiannol cymhwysol,  
  • dod o hyd i ffyrdd o hyrwyddo cystadleuaeth yn y buddsoddiad mewn rhwydweithiau band eang ffeibr; 
  • darparu gwybodaeth ariannol a modelu economaidd i helpu sicrhau bod y gwasanaeth post cyffredinol yn cael ei ddarparu;  
  • defnyddio theori gemau a theori arwerthiant i lywio’r ffyrdd gorau o ddyrannu sbectrwm; a 
  • defnyddio arbenigedd mewn cyfrifon a chyllid corfforaethol i sicrhau bod gennym yr wybodaeth ariannol sydd ei hangen arnom i wneud penderfyniadau gwybodus ar draws yr holl sectorau rydyn ni’n eu rheoleiddio 

Mae gan ein heconomegwyr a’n dadansoddwyr sgiliau, profiad a chefndiroedd amrywiol. Mae’r grŵp yn cynnwys pobl sydd ag arbenigedd mewn economeg reoleiddiol a chystadleuaeth, gwerthuso polisïau, dadansoddi ariannol, dadansoddi econometrig, modelu ac economeg ymddygiadol. Rydyn ni’n cefnogi rhaglenni graddedigion a phrentisiaethau ac yn buddsoddi’n helaeth mewn datblygu ein staff.   

See out current vacancies

Buddion a manteision

Yn Ofcom, rydyn ni’n gwybod nad cyflog cystadleuol yw’r unig ffordd o wobrwyo pobl. Dyna pam mae gan ein holl weithwyr fynediad at becyn buddion safonol, ac amrywiaeth o fuddion ychwanegol i ddewis o’u plith – gan roi’r hyblygrwydd iddynt greu pecyn buddion sy’n rhoi boddhad gwirioneddol iddynt.

Mae ein buddion safonol yn cynnwys

  • Lwfans pensiwn
  • 25 diwrnod o wyliau
  • Yswiriant meddygol preifat
  • Yswiriant bywyd
  • Archwiliad iechyd blynyddol
  • Yswiriant diogelu Incwm

Ein manteision hyblyg

Gallwch chi hefyd ddewis o ystod ehangach o fuddion hyblyg, gan gynnwys yr opsiwn i brynu rhagor o wyliau blynyddol, yswiriant teithio, yswiriant meddygol preifat i’ch teulu, a llawer mwy.
Rydyn ni hefyd yn credu bod gennym ran i’w chwarae o ran diogelu’r amgylchedd. Dyna pam ein bod ni wedi ymrwymo i leihau ein hôl troed carbon ac wedi cyflwyno nifer o gynlluniau i’n helpu ni i ddefnyddio llai o ynni, gan gynnwys cynllun beicio i’r gwaith a chynllun rhannu ceir.

Cyfreithiol Y grŵp

Mae ein grŵp Cyfreithiol yn cynnwys dau dîm – Cyfreithiol a Gorfodi.  Mae’r grŵp, sydd wedi’u lleoli yn Llundain a Manceinion, yn darparu cyngor a chefnogaeth gyfreithiol i bob grŵp yn Ofcom. Maen nhw’n gweithio gyda’r diwydiant ac yn mynd i’r afael â diffyg cydymffurfio sy’n effeithio ar ddefnyddwyr a chystadleuaeth. Maen nhw hefyd yn gweithio gyda’n timau polisi i lunio, creu a gweithredu ein gwaith.

Y Tîm Cyfreithiol 

Mae’r tîm Cyfreithiol yn darparu cyngor cyfreithiol rhagweithiol i bob grŵp yn Ofcom er mwyn helpu i lywio ein polisïau. Mae gennym tua 50 o gyfreithwyr cymwys o amryw o gefndiroedd – ac mae pob un ohonynt yn dod ag amrywiaeth eang o brofiadau ac arbenigedd gyda nhw a enillwyd mewn practis preifat, timau cyfreithiol mewnol y diwydiant, a chyrff cyhoeddus. Mae’r tîm yn gweithio ar draws cylch gwaith Ofcom – cyfraith gyhoeddus, y cyfryngau, cyfathrebu, cyfraith cystadleuaeth a defnyddwyr, a diogelwch ar-lein. Fel cyfreithiwr yn Ofcom, byddwch chi’n gweithio ar faterion cymhleth ac uchel eu proffil sy’n aml yn destun trafodaeth a diddordeb gwleidyddol a chyhoeddus, ac fe allent godi pwyntiau cyfreithiol newydd ac arwyddocaol. Rydyn ni hefyd yn ymdrin â’r ymgyfreitha sy’n deillio o’n penderfyniadau rheoleiddio. 

Y tîm Gorfodi

Mae’r tîm Gorfodi yn chwarae rhan bwysig yn y gwaith o wneud yn siŵr bod y rheoliadau a’r polisïau rydyn ni’n eu rhoi ar waith i amddiffyn pobl yn effeithiol. Mae’n gweithio’n agos gyda thimau polisi ar draws Ofcom ac yn ymgymryd â gwaith eiriolaeth i wella cydymffurfedd yn y diwydiant. Lle’i fod yn dod ar draws problemau, mae’n gorfodi’r gofynion mae Ofcom yn eu gosod ar ddarparwyr rheoleiddiedig, yn ogystal â gorfodi cyfraith defnyddwyr gyffredinol a chyfraith cystadleuaeth. Mae hefyd yn gwneud yn siŵr bod llwyfannau rhannu fideos yn cydymffurfio â’u rhwymedigaethau i ddiogelu defnyddwyr rhag cynnwys niweidiol ac anghyfreithlon, a bydd yn gyfrifol am orfodi’r drefn diogelwch ar-lein newydd. 

Edrychwch ar ein swyddi gwag presennol yn yr adran gyfreithiol

Amrywiaeth a chynhwysiad

Yn Ofcom, gallwch fod yn chi eich hun. Mae gennym ni amgylchedd gwaith cynhwysol ac rydyn ni’n gweithio’n galed i wella amrywiaeth yn ein sefydliad a hefyd yn y sectorau rydyn ni’n eu rheoleiddio. Mae’n hanfodol wrth ein helpu ni i gyflawni ein nod o sicrhau bod cyfathrebiadau’n gweithio i bawb. 

Mae angen i’n sefydliad gynrychioli pawb yn y Deyrnas Unedig, felly mae’n hanfodol ein bod yn creu diwylliant cynhwysol lle mae cydraddoldeb yn sail i bopeth a wnawn.  

Image1
Image2

Ein strategaeth amrywiaeth a chynhwysiad

Mae amrywiaeth a chynhwysiad yn hanfodol i’r ffordd rydyn ni’n gweithredu, fel cyflogwr ac fel rheoleiddiwr gwasanaethau cyfathrebu yn y Deyrnas Unedig. Mae ein strategaeth yn amlinellu ein blaenoriaethau, gan gynnwys targedau sy’n ymwneud â’n gweithlu ac amlinelliad o’n gweledigaeth fel sefydliad.  

Rydyn ni’n cyhoeddi adroddiad amrywiaeth blynyddol sydd ar gael ar ein prif wefan

https://www.ofcom.org.uk/cymru/about-ofcom/what-is-ofcom/corporate-responsibility/diversity-and-equality ].  

Dyma ein targedau amrywiaeth, a’n nod yw eu cyflawni erbyn 2026: 

• Ethnigrwydd mewn rolau uwch: 16% o’n harweinwyr ar lefel uwch yn dod o gefndir lleiafrifoedd ethnig. 

• Cydbwysedd rhwng y rhywiau mewn rolau uwch: Cydbwysedd cyfartal rhwng y rhywiau ar lefelau uwch. 

• Anabledd: 15% o’n cydweithwyr yn anabl.

• Byrddau a phwyllgorau: Cydbwysedd cyfartal rhwng y rhywiau a lefel gymharol debyg i’r poblogaethau perthnasol o ran anabledd (15%) ac ethnigrwydd (10%). 

Yn ogystal â’r targedau hyn, rydyn ni’n canolbwyntio ar ehangu ein hamrywiaeth economaidd-gymdeithasol ac o ran dosbarth, yn ogystal â chynyddu ein hamrywiaeth ranbarthol, gyda mwy o gydweithwyr wedi eu lleoli y tu allan i Lundain. Mae’r rhain yn feysydd arbennig o bwysig i helpu i sicrhau bod ein gwaith rheoleiddio’n cael ei lywio gan bobl sydd ag ystod eang o brofiadau, cefndiroedd a safbwyntiau. 

Man with laptop

Ein gweledigaeth 

Our Vision for diversity and inclusion

RYDYN NI’N CYMRYD CYFRIFOLDEB PERSONOL 

Mae amrywiaeth a chynhwysiad yn nod a chenhadaeth bersonol i bob un ohonom. Mae pob un ohonom yn chwarae ein rhan, ni waeth pwy ydyn ni, beth rydyn ni’n ei wneud, a ble rydyn ni wedi’n lleoli.

RYDYN NI’N WIRIONEDDOL AMRYWIOL

Rydyn ni’n adlewyrchu’r gymdeithas amrywiol yr ydym yn ei gwasanaethu, mewn sawl ffordd wahanol. Mae angen inni wneud hynny er mwyn gwerthfawrogi anghenion amrywiol pobl yn well a’r heriau maen nhw’n eu hwynebu.

MAE EIN HARWEINWYR YN GOSOD ESIAMPL

Mae ein harweinwyr yn gosod esiampl i bobl eraill o ran sut mae arddel ein gwerthoedd.  Maen nhw’n cynnwys amrywiaeth a chynhwysiad yn eu penderfyniadau bob dydd i wneud Ofcom yn lle gwych i weithio i’n cyd-weithwyr, ac i sicrhau bod cyfathrebiadau’n gweithio i bawb.

Rydyn ni’n gysylltiedig â chymunedau 

Mae gan yr holl gyd-weithwyr gysylltiad agos â chymunedau a grwpiau sy’n cael eu tan-wasanaethu, er mwyn inni allu clywed lleisiau defnyddwyr a dysgu am y gymdeithas rydyn ni’n ei gwasanaethu.  Rydyn ni’n defnyddio ein manteision ein hunain i roi hwb i eraill a chreu canlyniadau cymdeithasol cadarnhaol. Rydyn ni’n annog cyd-weithwyr i gymryd rhan weithredol mewn meysydd sy’n bwysig iddynt. 

RYDYN NI’N NATURIOL GYNHWYSOL

Mae ein diwylliant yn golygu bod pawb yn teimlo eu bod yn perthyn, yn cael eu gwerthfawrogi a bod ganddynt lais. Rydyn ni’n deall ac yn dathlu sawl math o amrywiaeth, gan gynnwys cyfuniadau o hunaniaethau hefyd. Gwyddom fod pob un ohonom yn cynnig amrywiaeth i Ofcom mewn ffyrdd gwahanol a’n bod ni i gyd yn fwy na dim ond ein nodweddion.

RYDYN NI’N DEG DRWY DDYLUNIAD

Rydyn ni’n mynd ati’n fwriadol i gynllunio a monitro’r ffordd rydyn ni’n gwneud pethau, y penderfyniadau rydyn ni’n eu gwneud a’r systemau rydyn ni’n eu defnyddio fel eu bod yn deg ac yn gyfiawn i’n cydweithwyr ac i’r bobl rydyn ni’n eu gwasanaethu. Gwyddom fod angen weithiau inni gefnogi pobl yn wahanol, er mwyn eu trin yn gyfartal.

Mae’r weledigaeth yn nodi’r egwyddorion y tu ôl i’r ffordd rydyn ni’n datblygu ein diwylliant, gan ddod â thegwch i’r ffyrdd rydym yn gweithredu, a sicrhau mwy o gynhwysiad. Mae cynhwysiad i ni yn fwy na dim ond y naw nodwedd sy’n cael eu gwarchod gan y gyfraith – rydyn ni’n golygu bod pawb, o bob cefndir a phrofiad bywyd, yn cael eu cynrychioli. Rydyn ni’n cydnabod bod gan bawb fan cychwyn gwahanol mewn bywyd, a byddwn yn creu cyfleoedd gyda hyn mewn golwg.  

Amrywiaeth a chynhwysiad wrth gyflogi 

Rydyn ni’n monitro ein polisïau a’n harferion yn helaeth drwy arolygon ymysg cydweithwyr, meincnodi allanol a chynnal archwiliad cyflog cyfartal bob dwy flynedd. Mae gwasanaethau meincnodi allanol yn ein galluogi i gymharu ein prosesau busnes ag arferion gorau yn y diwydiant, ac i ddeall sut hwyl rydyn ni’n ei chael arni o ran cyflawni ein gweithgareddau i hybu amrywiaeth mewn cyflogaeth. 

I gefnogi ein hamcanion o ran recriwtio gweithlu mwy amrywiol, rydyn ni’n adolygu ein prosesau a’n methodolegau recriwtio yn rheolaidd i sicrhau bod y rhain yn gynhwysol, yn deg ac yn dryloyw.  

Dysgwch fwy am sut rydyn ni’n ystyried amrywiaeth a chynhwysiad yn ein prosesau cyflogi 

Explore next LOREM IPSUM DOLOR SIT LOREM IPSUM DOLOR SIT AMET

Ein grwpiau busnes

black bg

Fel rheoleiddiwr cyfathrebiadau’r DU, mae gennym dimau arbenigol sy’n ein helpu i reoleiddio popeth o amleddau radio i’r gwasanaeth post. Dysgwch fwy am bob un o’n grwpiau gwahanol.

Diogelwch Ar-lein

Rydyn ni’n newid y ffordd mae’r byd yn cadw’n ddiogel ar-lein. Wrth i’r Bil Diogelwch Ar-lein ddod yn realiti, mae angen arbenigwyr technegol arnom i’n helpu i roi’r drefn arloesol hon ar waith. Ac am y rheswm hwnnw’n unig, ni fu erioed amser mwy cyffrous i ymuno â ni.

Rhagor o wybodaeth

Technoleg, Data ac Arloesi

Mae grŵp Technoleg, Data ac Arloesi Ofcom yn trawsnewid y ffordd rydyn ni’n defnyddio data technegol a dadansoddol, ac ymwybyddiaeth o’r sector technoleg ehangach, i lywio ein gwaith rheoleiddio a pholisi.

Rhagor o wybodaeth

Cyfreithiol

Mae ein grŵp Cyfreithiol yn cynnwys arbenigwyr cyfreithiol a gorfodi. Mae ein tîm cyfreithiol yn rhoi cyngor a chymorth cyfreithiol i bob grŵp yn Ofcom wrth iddynt wneud eu gwaith. Mae’r Tîm Gorfodi yn gwneud yn siŵr bod y rheoliadau a’r polisïau rydyn ni’n eu rhoi ar waith i amddiffyn pobl yn effeithiol.

Rhagor o wybodaeth

Sbectrwm

Mae sbectrwm radio (y tonnau anweledig sy’n galluogi technoleg ddi-wifr) yn adnodd y mae pendraw iddo sy’n hanfodol i ddarparu ystod eang o gymwysiadau di-wifr sydd o fudd i wahanol ddefnyddwyr, a grŵp Sbectrwm Ofcom sy’n gyfrifol am sicrhau ei fod yn cael ei ddefnyddio er budd pawb yn y DU.

Rhagor o wybodaeth

Corfforaethol

Mae ein grŵp corfforaethol yn chwarae rhan hollbwysig yn helpu Ofcom i redeg yn ddidrafferth ac mae’n cynnwys timau Cyfathrebu, TGCh, Llywodraethu ac Atebolrwydd, Cyllid, Pobl a Thrawsnewid, Polisi Cyhoeddus, Eiddo a Chyfleusterau. Mae pob un ohonynt yn sicrhau bod ein seilwaith a’n prosesau’n rhedeg yn ddidrafferth.

Rhagor o wybodaeth

Strategaeth ac ymchwil

Mae’r grŵp Strategaeth ac Ymchwil yn arwain y gwaith o osod strategaeth gyffredinol Ofcom, gan ddefnyddio canfyddiadau o’n gwaith ymchwil a dadansoddi o’r sectorau rydyn ni’n eu rheoleiddio. Mae’n helpu i wneud yn siŵr bod gennym sail tystiolaeth cadarn er mwyn blaenoriaethu ein gwaith a gwneud penderfyniadau a fydd yn helpu i sicrhau bod cyfathrebiadau’n gweithio i bawb.

Rhagor o wybodaeth

Rhwydweithiau a Chyfathrebiadau

Mae ein grŵp Rhwydweithiau a Chyfathrebiadau yn helpu gwneud yn siŵr bod pobl ledled y DU yn gallu cael gafael ar y gwasanaethau sydd eu hangen arnynt a bod y rhwydweithiau telegyfathrebu y maent yn dibynnu arnynt yn ddiogel. 

Rhagor o wybodaeth

Economeg a dadansoddeg

Mae natur gyfnewidiol y marchnadoedd rydyn ni’n eu goruchwylio yn golygu bod y rôl hon yn newid drwy’r amser, ac mae economeg yn darparu gwybodaeth hanfodol ar gyfer llawer o’r hyn rydyn ni’n ei wneud. Mae’r grwpiau Economeg a Dadansoddeg yn hanfodol i wneud yn siŵr y seilir ein penderfyniadau ar ymchwil a dadansoddi cadarn. Mae economegwyr yn defnyddio syniadau cysyniadol arloesol ac ystod eang o ddulliau meintiol yn eu gwaith.

Rhagor o wybodaeth

Cynnwys a ddarlledir a chynnwys ar-lein

Mae’r Grŵp Darlledu a Chynnwys Ar-lein yn cefnogi ac yn gwasanaethu sector bywiog o gynulleidfaoedd o deledu i radio i fideo ar-alw. Mae ei waith yn helpu cyfryngau’r DU i esblygu i ddiwallu anghenion newidiol gwylwyr a gwrandawyr.

Rhagor o wybodaeth

Gyrfaoedd cynnar yn Ofcom

Ein cenhadaeth yw hybu amrywiaeth, cynhwysiad cymdeithasol a gallu sy’n canolbwyntio ar y dyfodol drwy ein piblinell gyrfaoedd cynnar. Mae ein rhaglenni i rai sy’n gadael ysgol, israddedigion a graddedigion i gyd wedi eu llunio i roi’r profiadau, y sgiliau a’r cymwysterau sydd eu hangen arnoch i roi cychwyn da i’ch gyrfa.

Byddwch yn cael cyfle i gydweithio ar brosiectau mawr, rhwydweithio â’n timau angerddol, a chael effaith go iawn.  Rydyn ni’n cynnig profiadau dysgu diddorol a chyfleoedd ar gyfer twf a datblygiad personol i’ch helpu chi i ddod yn arweinydd gwych yn y dyfodol.

Rhaglen i raddedigion

Mae ein rhaglen dwy flynedd i raddedigion wedi ei llunio i roi cyflwyniad i chi i’r holl wahanol adrannau ac arbenigeddau rydyn ni’n eu cwmpasu yn Ofcom. Rydyn ni’n datblygu eich gwybodaeth ac yn rhoi profiad uniongyrchol i chi ar bopeth o bolisi ac ymchwil, i gyfathrebu a seiberddiogelwch.


Wrth i chi gymryd rhan yn ein rhaglen i raddedigion, byddwch yn dod i ddeall yn well sut mae ein gwaith yn cyd-fynd â pholisïau a chanllawiau seneddol. Byddwch yn cael cyfle i gefnogi uwch gydweithwyr wrth iddynt ymgysylltu â swyddogion y Llywodraeth o sectorau fel yr Adran dros faterion Digidol, Diwylliant, y Cyfryngau a Chwaraeon (DCMS).


Byddwch hefyd yn cael cyfle i ddatblygu eich sgiliau ymchwil – dysgu technegau mesur cynulleidfaoedd a throsi data’n wybodaeth i helpu i oleuo adroddiadau mawr fel Adroddiad Blynyddol y BBC, neu adroddiadau Cyfryngau’r Genedl a Chyfryngau’r Genedl Ar-lein.

Gall graddedigion hefyd gymryd rhan yn ein gwaith yn cefnogi cwsmeriaid agored i niwed, yn ogystal â chyfleoedd i weithio yn swyddfeydd ein cenhedloedd i helpu i fynd i’r afael â materion sy’n effeithio ar un rhan o’r Deyrnas Unedig


Ar gyfer ein llwybrau arbenigol, mae gan raddedigion gyfle i ddatblygu amrywiaeth eang o sgiliau technegol ac ymddygiadol yn eu dewis faes, gan adeiladu ar yr wybodaeth a’r sgiliau sydd ganddynt eisoes.
Fel un o raddedigion Ofcom, byddwch yn elwa o’n Cynllun Dysgu Gyrfaoedd Cynnar. Mae hon yn rhaglen ymbarél sy’n dod â’n holl gydweithwyr gyrfaoedd cynnar (gan gynnwys prentisiaid) at ei gilydd i fynychu diwrnodau Datblygu ffurfiol a hyfforddiant ychwanegol. Mae’r hyfforddiant ychwanegol hwn yn cynnwys sgiliau sy’n gysylltiedig ag Ofcom fel Rheoli Prosiectau, Llywodraethu ac Atebolrwydd, ac Ymchwil a Data, yn ogystal â delio â sgiliau eraill fel cynllunio, cyflwyno ac ysgrifennu. Rydyn ni hefyd yn rhoi cyfle i glywed gan arbenigwyr eraill yn y diwydiant a siaradwyr ysbrydoledig

Prentisiaethau

Mae ein rhaglenni prentisiaeth yn ffordd wych i chi ddechrau eich gyrfa, cael profiad ymarferol wrth astudio a chael cyflog.

Mae nifer o gymwysterau y gallwch weithio tuag atynt – ar hyn o bryd mae gennym brentisiaid ym maes Polisi, Gweinyddu Busnes, Cyllid, Dadansoddi Data, Seiberddiogelwch ac Economeg.

Pa gymhwyster bynnag y byddwch yn ei ddewis, bydd yn cael ei ariannu’n llawn drwy’r ardoll brentisiaethau a’i ddarparu gan ddarparwr hyfforddiant arbenigol. Mae prentisiaethau’n amrywio o ran hyd a lefel ac fe’u cwblheir drwy gyfuniad o hyfforddiant yn y gwaith ac astudio, gyda chymorth 20% heb fod yn y gwaith.

Drwy gydol eich prentisiaeth, byddwch yn cael dysgu a chymhwyso sgiliau newydd i’r swydd ac adeiladu portffolio o waith, cyn cwblhau asesiad terfynol

Interniaethau

Yn Ofcom rydyn ni’n credu y gall interniaethau chwarae rhan hollbwysig yn y gwaith o lunio eich gyrfa. Dyna pam ein bod yn cynnig amrywiaeth eang o gyfleoedd interniaeth dros yr haf, sydd wedi eu cynllunio i helpu israddedigion i ddod i gysylltiad go iawn â’r amgylchedd gwaith a datblygu sgiliau gydol oes.
Mae Ofcom yn falch o gefnogi’r rhaglen 10,000 Black Interns, menter newydd yn y Deyrnas Unedig sy’n ceisio cynnig 10,000 o interniaethau i bobl ifanc ddu dros bum mlynedd, ar draws 24 sector, sy’n cynnwys dros 700 o gwmnïau.

Bydd Ofcom yn cymryd rhan yn y rhaglen interniaeth chwe wythnos sy’n cynnig profiad gwaith am dâl i fyfyrwyr Du Affricanaidd, Du Caribïaidd a Du Prydeinig. Bydd hyn yn cynnwys myfyrwyr sy’n astudio mewn prifysgol yn y Deyrnas Unedig, neu sydd wedi graddio’n ddiweddar o brifysgol yn y Deyrnas Unedig (2018 ymlaen) neu sy’n cymryd blwyddyn fwlch ar ôl cwblhau eu cymwysterau Safon Uwch gyda’r bwriad o ymgymryd ag addysg uwch. Bydd interniaid yn cael cyfle i weithio yn ein swyddfeydd, i gael gwybodaeth fanwl am ein gwaith a’r hyn rydym yn ei wneud, i ddatblygu eu sgiliau ac i ddatblygu eu rhwydwaith proffesiynol.

Apprentices

Graduates

Pwy ydyn ni

Fel rheoleiddiwr cyfathrebiadau’r DU, rydyn ni’n cyflawni gwaith hanfodol sy’n helpu i gadw pobl mewn cysylltiad ledled y DU ac sy’n siapio’r ffordd y byddwn ni’n cadw mewn cysylltiad â’n gilydd yn y dyfodol. 

Mae ein gwaith yn cynnwys popeth o gadw defnyddwyr yn ddiogel ar-lein, i ffonau a band eang, teledu, radio, y gwasanaeth post, a dyfeisiau di-wifr. I’n helpu i gyflawni ein nod o sicrhau bod cyfathrebiadau’n gweithio i bawb, mae arnom angen pobl o bob cefndir, gyda sgiliau amrywiol ac sydd wedi cael gwahanol brofiadau . 

Rydyn ni’n gofalu am y tonnau awyr a ddefnyddir gan ddyfeisiau di-wifr fel ffonau di-wifr, walkie talkies a hyd yn oed rhai goriadau car a chlychau drws.

Rydyn ni hefyd yn helpu i wneud yn siŵr nad yw pobl yn cael eu twyllo a’u bod yn cael eu gwarchod rhag arferion drwg. Mae hyn yn arbennig o bwysig ar gyfer pobl hŷn neu bobl agored i niwed.

BETH RYDYM YN EI WNEUD

Mae cylch gwaith Ofcom yn enfawr – o’r gwasanaethau hanfodol rydyn ni’n eu defnyddio bob dydd ac sy’n helpu i gadw’r wlad i symud, i dechnoleg newydd a datblygol. Dysgwch ragor am y gwaith rydyn ni’n ei wneud yn Ofcom a’r gwasanaethau a’r llwyfannau amrywiol rydyn ni’n eu rheoleiddio. 

RHAGOR O WYBODAETH

EIN LLEOLIADAU

Mae ein pencadlys yn Llundain ond mae gennym swyddfeydd ledled y Deyrnas Unedig. Dysgwch fwy am ein lleoliadau ac edrych a oes man gwaith Ofcom sydd o ddiddordeb i chi. 

RHAGOR O WYBODAETH

EIN GWERTHOEDD

Rydyn ni, fel sefydliad, yn bodoli er mwyn sicrhau bod cyfathrebiadau’n gweithio i bawb. Dysgwch fwy am y gwerthoedd rydyn ni’n eu hymgorffori fel sefydliad a gweld sut maen nhw’n effeithio ar ein ffordd o weithio 

RHAGOR O WYBODAETH
icon

Gyrfaoedd yn Ofcom

Mae’n amser cyffrous i ymuno ag Ofcom. Bydd y gwaith a wnawn heddiw yn siapio’r ffordd yr ydym yn cyfathrebu yn y dyfodol. O helpu’r DU i fod yn arweinydd byd ym maes ffôn symudol 5G, i reoleiddio diogelwch ar-lein, i ysgogi buddsoddiad mewn band eang gwibgyswllt, i ddeall y datblygiadau diweddaraf mewn technoleg cyfathrebu.

Grwpiau busnes

Mae natur amrywiol a phellgyrhaeddol ein gwaith yn golygu bod angen timau ac adrannau arbenigol arnom sy’n canolbwyntio ar bopeth o beirianneg sbectrwm i economeg. Dysgwch fwy am y gwahanol adrannau sy’n rhan o Ofcom a’r gwaith rydyn ni’n ei wneud ym mhob maes.

Rhagor o wybodaeth

Gyrfaoedd cynnar

Mae Ofcom ar flaen y gad ym maes cyfathrebu modern ac rydym am i raddedigion, prentisiaid ac interniaid gael rhan allweddol yn ein strategaeth ar gyfer y dyfodol. Dysgwch fwy am y gwahanol gynlluniau i raddedigion, prentisiaethau ac interniaethau rydyn ni’n eu cynnig, a gweld sut gallwch chi gymryd rhan.

Rhagor o wybodaeth

Rhwydweithiau cydweithwyr Ofcom

icon-person

Yn Ofcom, rydyn ni wedi creu rhwydweithiau cydweithwyr i greu amgylchedd gwaith mwy cynhwysol sy’n cefnogi ac yn dathlu amrywiaeth yn ei holl ffurfiau.
Mae’r rhwydweithiau hyn yn gweithredu fel noddwyr a hyrwyddwyr ar draws meysydd fel rhywedd, crefydd, anabledd, rhywioldeb, ethnigrwydd a bod yn rhieni. Gall unrhyw un sy’n gweithio yn Ofcom ymuno ag un o’n rhwydweithiau cydweithwyr a’u defnyddio fel cyfle i gysylltu â chydweithwyr, rhannu profiadau, a chodi ymwybyddiaeth o unrhyw heriau rydym yn eu hwynebu fel sefydliad.

Rhwydwaith Affinity

Mae ein Rhwydwaith Affinity yma i gefnogi, cysylltu ac eiriol ar ran cydweithwyr LHDTC+. Mae’r rhwydwaith hwn yn cael ei redeg gan gydweithwyr a chynghreiriaid LHDTC+, ac mae’r rhwydwaith hwn wedi ymrwymo i wneud yn siŵr bod gweithwyr Ofcom yn gyfforddus yn y gwaith, a bod Ofcom yn parhau i anrhydeddu ei ymrwymiad i greu amgylchedd gwaith cyfeillgar i bobl LHDTC+.

RACE: Rhwydwaith Codi Ymwybyddiaeth o Ddiwylliant ac Ethnigrwydd

Mae ein Rhwydwaith RACE yn cynrychioli holl gydweithwyr Ofcom, ond yn enwedig y rhai o gefndiroedd lleiafrifoedd ethnig. Mae’r rhwydwaith hwn yn lle i drafod a rhoi sylw i faterion a allai effeithio ar gydweithwyr o gefndiroedd lleiafrifoedd ethnig yn ogystal ag i hyrwyddo egwyddorion ac arferion amrywiaeth a chynhwysiad yn y gweithle.

Rhwydwaith Menywod Ofcom

Nod Rhwydwaith Menywod Ofcom (OWN) yw diwallu anghenion cyfun pob menyw yn Ofcom – trawsryweddol a cisryweddol, yn ogystal â chydweithwyr anneuaidd a rhai nad ydynt yn cadarnhau rhywedd. Mae’r rhwydwaith hwn yn darparu lle diogel i drafod materion sy’n effeithio ar fenywod a phobl anneuaidd yn y gweithle ac mae’n helpu i alluogi menywod i gyflawni eu llawn botensial.

Rhwydwaith SOUND

Mae ein Rhwydwaith SOUND yma i gefnogi cydweithwyr sydd â phrofiad uniongyrchol o fyw gyda chyflwr, salwch neu anabledd tymor hir, gan gynnwys y rhai sy’n niwroamrywiol. Mae’r rhwydwaith hwn yn helpu i wella ein dealltwriaeth o niwroamrywiaeth ac anabledd fel sefydliad – gan gefnogi ein hamcanion ehangach yn ein strategaeth amrywiaeth a chynhwysiad, ac yn ein gwaith rheoleiddio.

Rhwydwaith Rhieni a Gofalwyr

Nod ein rhwydwaith Rhieni a Gofalwyr yw cefnogi cydweithwyr sydd ag ymrwymiadau gofal plant neu unrhyw fath arall o gyfrifoldebau gofalu. Weithiau, mae angen ychydig o gymorth ychwanegol ar bob un ohonom gan rywun sy’n deall yn uniongyrchol beth rydyn ni’n mynd drwyddo. Mae’r rhwydwaith hwn yn lle diogel i rannu profiadau a chyfeirio pobl at adnoddau defnyddiol a pherthnasol.

Rhwydwaith Ffydd

Mae’r Rhwydwaith Ffydd yn agored i bobl o bob ffydd sy’n gweithio yn Ofcom ac i gynghreiriaid heb fod yn grefyddol sydd eisiau dysgu mwy mewn amgylchedd cyfeillgar a pharchus. Mae’r rhwydwaith hwn yn gyfle i siarad yn onest am ffydd a chred, yn ogystal â’r materion sy’n effeithio arnon ni a’n cymunedau yn Ofcom.

Rhwydwaith y Grŵp Cynhwysiad Cymdeithasol

Mae Rhwydwaith y Grŵp Cynhwysiad Cymdeithasol yn grŵp diddordeb ar gyfer ein holl gydweithwyr sy’n poeni am wneud Ofcom yn lle teg a chyfartal i weithio ynddo. Mae’r rhwydwaith hwn yn ein helpu i sicrhau ei bod yn bosibl i bobl o bob cefndir economaidd-gymdeithasol ffynnu yn Ofcom, yn ogystal â gwneud yn siŵr bod ein gwaith o fudd i bobl o wahanol ddosbarthiadau a chefndiroedd.

Yn ogystal â’n rhwydweithiau, mae gennym hefyd y grwpiau cefnogi canlynol:

  • Rhwydwaith Gwrando – ar gyfer cydweithwyr sydd angen sgwrs anfeirniadol. Rydyn ni i gyd yn mynd ychydig yn isel weithiau a gall digwyddiad mawr annisgwyl eich llorio. Weithiau, y cyfan sydd ei angen arnoch yw clust gyfeillgar i wrando.
  • Fforwm Cydweithwyr – mae Fforwm Cydweithwyr Ofcom yn grŵp o gydweithwyr etholedig sy’n cwrdd ag uwch reolwyr yn rheolaidd i gyfathrebu ac ymgynghori ar faterion sy’n effeithio ar gydweithwyr yn Ofcom.

Archive

No archives to show.

Categories

  • No categories

Tags

Archive

No archives to show.

Categories

  • No categories

Tags